Ludwig II. (Bayern)

Ludwig da Zwoate, dafft ois Ludwig Otto Friedrich Wilhelm (* 25. August 1845 z Minga, Schloss Nymphenburg; † 13. Juni 1886 im Wirmsee, am heitign Starnberga See, bei Schloss Berg), is vom 10. Meaz 1864 bis zua seim Doad Kine vo Bayern gwen.

In seina Regierungszeit iss 1866 zur boarischn Niederlage im deitschen Bruadakriag geng de Preissn kemma. 1870/1871 hot er offiziell de Grindung vom Deitschn Kaiserreich untastützt. Für de Nachwelt bekannt is er durch seine Schlössa worn: Herrncheamsee, Neischwanstoa und Linderhof. Ludwig II. werd desweng heit oft aa ois Märchenkönig bezeichnet.

Wiara am 10. Juni 1886 fia varuckt erklärt worn is, hot sei Onke Luitpold ois Prinzregent de Regierungsgeschäfte ibanomma. Er is unta ned gnau bekannte Umständ im Starnberga See umkemma.